Вада - крыніца жыцця

Каля 71% паверхні Зямлі пакрыта вадой - 361,13млн.км². На Зямлі прыкладна 96,5% вады прыпадае на акіяны, 1,7% сусветных запасаў складаюць грунтовыя воды, яшчэ 1,7% - ледавікі і ледзяныя шапкі Антарктыды і Грэнландыі, невялікая частка знаходзіцца ў рэках, азёрах і балотах і 0,001% у аблоках. Большая частка зямной вады - салёная, непрыдатная для сельскай гаспадаркі і пітва. Доля прэснай складае каля 2,5%, прычым 98,8% гэтай вады знаходзіцца ў ледавіках і грунтовых водах. Меней за 0,3% усёй прэснай вады ўтрымліваецца ў рэках, азёрах і атмасферы.

Гэты нязначны адсотак прэснай вады дае жыццё большасці арганізмаў на Зямлі. Дзякуючы вадзе сфармаваўся клімат і надвор'е. У сярэднім у арганізме раслін і жывёл змяшчаецца больш за 50% вады, вада выкарыстоўваецца для земляробства, прыгатавання ежы, для забеспячэння сацыяльных патрэб чалавека.

Адно з найважнейшых прызначэнняў вады - здольнасць спаталяць смагу і насычаць арганізм карыснымі рэчывамі. Для пітных патрэб можа выкарыстоўвацца як вада з падземных крыніц, якой багата змяшчаецца ў зямной кары, так і вада з паверхневых крыніц.

Усведамляючы ўсю важнасць водных рэсурсаў на Зямлі, Генеральная Асамблея Арганізацыі Аб'яднаных Нацый абвясціла 22 красавіка Сусветным днём водных рэсурсаў. 

Агульная плошча Рэспублікі Беларусь складае 207,6 тыс.км². Гэтая параўнальна невялікая тэрыторыя пакрыта азёрамі, рэкамі і каналамі. Беларусь па праве носіць званне "сінявокай". Для задавальнення патрэб прамысловых прадпрыемстваў і жыхароў, гарады пастаянна пашыраюць сваю сетку водазабеспячэння, шукаюць новыя шляхі для зніжэння спажывання вады і яе эканоміі, укараняюць новыя тэхналогіі ў працэс водазабеспячэння і водаадвядзення.

Галоўнае воднае прадпрыемства сталіцы Рэспублікі Беларусь г.Мінска - камунальнае унітарнае вытворчае прадпрыемства "Мінскводаканал", прадпрыемства, якое вось ужо больш за 140 гадоў забяспечвае горад пітной вадой, ажыццяўляе яе ачыстку і вяртае ў біясферу.