17-18 жніўня 2018 года адбыліся чарговыя спаборніцтвы па летняй лоўлі рыбы ў рамках круглагадовай спартакіяды УП «Мінскводаканал».
Рыбалка - гэта выдатны і даступны адпачынак, які спалучае ў сабе азарт, запал паляўнічага і супакаенне, спакой, гармонію і адчуванне яднання з прыродай. Рыбалкай захапляюцца мужчыны і жанчыны, дзеці і людзі сталага ўзросту, кожны знаходзіць для сябе хараство ў гэтым занятку.
Рыбалка можа быць і ціхім заняткам для сябе, і калектыўным адпачынкам, і магчымасцю здабыць духоўнае супакаенне ці зладзіць спаборніцтва.
Месцам правядзення спаборніцтваў быў абраны 3-ці ўчастак канала Вілейска-Мінскай воднай сістэмы, недалёка ад Удранскага вадасховішча.
Умовы надвор'я ў дні правядзення спаборніцтва былі не самымі лепшымі, што ў цэлым паўплывала на клёў рыбы. Але нягледзячы на ўсе цяжкасці, дасведчаныя рыбаловы ўсё ж не засталіся без улову, і ў дружнай кампаніі аднадумцаў панавала цёплая атмасфера і добры настрой.
Прызёрамі спаборніцтваў сталі:
3 месца — каманда вытворчасці «Мінскводаправод» у складзе Лабанава Андрэя Мікалаевіча і Болбата Ігара Уладзіміравіча.
2 месца — каманда вытворчасці па эксплуатацыі Вілейска-Мінскай воднай сістэмы ў складзе Ушакова Івана Рыгоравіча і Будзько Ігара Аляксандравіча.
1 месца — каманда аўтабазы УП «Мінскводаканал» у складзе Дубатоўкі Андрэя Аляксандравіча і Дмухоўскага Канстанціна Васільевіча.
Калектыў УП «Мінскводаканал» ад усёй душы віншуе пераможцаў і ганарыцца ўсімі ўдзельнікамі спаборніцтваў! Жадаем вам клёвых месцаў, шанцавання і фантастычнага ўлову!