4 лютага 2016 г. у цэнтральным офісе ААТ «Беларуская ўніверсальная таварная біржа» (БУТБ) у г.Мінску адбылася рабочая сустрэча прадстаўнікоў БУТБ і намесніка дырэктара - начальніка аддзела матэрыяльна-тэхнічнага забеспячэння УП «Мінскводаканал» Ляшка Руслана і намесніка начальніка аддзела матэрыяльна-тэхнічнага забеспячэння Губіна Мікалая.
Асноўнай мэтай перамоваў стала абмеркаванне магчымасці пашырэння закупнай дзейнасці УП «Мінскводаканал» на біржы, у тым ліку за кошт выкарыстання электроннай гандлёвай пляцоўкі прамысловых і спажывецкіх тавараў з мэтай закупак абсталявання, дэталяў, спецадзення і іншых тавараў для патрэб УП «Мінскводаканал».
Намеснік дырэктара прадпрыемства - начальнік аддзела матэрыяльна-тэхнічнага забеспячэння Ляшок Руслан адзначыў: «Будучыня сёння за электроннымі таргамі і аўкцыёнамі, і рана ці позна ўсе арганізацыі будуць вымушаныя перайсці на новую, больш празрыстую і эфектыўную пляцоўку гандлю. Ад гэтага будзе наўпрост залежаць іх канкурэнтаздольнасць».
Акрамя таго, падчас перамоваў было разгледжана пытанне прымянення электроннай гандлёвай пляцоўкі «БУТБ - Маёмасць» пры рэалізацыі былой ва ўжыванні ці выведзенай з эксплуатацыі маёмасці УП «Мінскводаканал».
Па гэтым напрамку (секцыя прамысловых і спажывецкіх тавараў) на сённяшні дзень ужо праведзены 2 здзелкі і заключаны дагаворы на пастаўку.